-
ASTRONOMÍA URBANA
O dia 28 pola noite, o clube Vega recibiu ao público que se apuntou a estas xornadas organizadas polo concello de Santiago, no marco do programa Vive o Verán. Ao ter que cumprir co protocolo pola COVID-19 o aforo tivo que estar limitado, pero o público acudiu con entusiasmo e coa paciencia necesaria para esperar o turno e cumprir ca normativa: máscaras, distancia, desinfección…Ainda que cara o final da actividade as nubes fixeron acto de presencia, desde a azotea do CSC A Trisca poidemos ver a Lúa, Xúpiter, Saturno e outros astros, ainda que xa non o cometa Neowise, que esta a perder brillo día a día alonxándose xa da Terra. Ao noso público sóubolle a pouco, asi que cando, coa colaboración de todos, deixemos atrás estes tempos do coronavirus, teremos que organizar unha observación para repetir. Estade pendentes desta web!
Ademáis, o clube Vega sorteou entre os asistentes varios calendarios astronómicos de Ceos Galegos, con magníficas fotografías astronómicas, varias delas coa autoría de socios de Vega. Noraboa aos afortunados: Guillermo, Matías, Yovana e Adriano, esperamos que repitades na próxima observación!!
-
Ocultación de Venus pola Lúa
Durante a mañán do venres 19 de xuño produciráse unha ocultación do planeta Venus pola Lúa. Esta ocultación será visible dende o N de Canadá, Groenlandia, NW de Europa, e N de Rusia. Tamén será visible dende toda a península ibérica e Canarias, aínda que xa preto do límite S.
Click foto para info Dende Galicia, a inmersión do planeta produciráse ás 07:20 TU (09:20 hora local española). Esta inmersión será polo lado iluminado da Lúa e o planeta Venus estará nese momento a unha altura de 38º sobre o horizonte SE. A reaparición do planeta produciráse ás 08:14 TU (10:14 hora local) polo lado non iluminado da lúa cando xa esté a unha altura de 47º sobre o horizonte. Dado que no momento da ocultación Venus ten un tamaño angular de 51″4, a desaparación e a reaparición non son instantáneas, durando uns 2,5 minutos cada unha.
No momento da ocultación a Lúa estará iluminada un 4% en minguante, mentres que Venus terá unha magnitude de -4.18.
Todas as fases da ocultación produciránse a pleno día. No instante de inmersión o Sol estará a unha altura duns 23º, con Venus e a Lúa a unha distancia de 22,5º. Esto implica que se deben adoptar todas as medidas de seguridade para evitar apuntar calquera obxetivo ou telescopio ó Sol accidentalmente. Por seguridade recomendamos instalar algún panel ou obstáculo opaco entre o instrumento e o Sol, facendo sombra, e protexendo ó instrumento en caso de apuntado accidental.
Para observar esta ocultación hai que usar medios para mitigar o intenso fondo luminoso e aumentar o contraste entre o sistema Venus-Lúa e o fondo de ceo. Son preferibles telescopios de pouco diámetro pero de relación focal o máis longa posible, incluso utilizando lentes de Barlow. Se se utiliza un telescopio de gran diámetro quizáis conveña usar un diafragma para reducir a apertura.
Pódense usar filtros para axudar a mitigar o exceso de luz incidente, ainda que esto deberá valorarse previamente se se quere obter imaxes ou videos en cor. As cámaras dixitáis son axeitadas para obter tomas independentes ou gravar pequenos videos dos instantes da inmersión ou emersión.
Tamén se poden usar webcams adaptadas á observación astronómica do estilo da Phillips ToUCam ou SPC9000, acopladas no foco do telescopio. O que usualmente é unha desventaxa nestas webcams, a súa baixa sensibilidade, neste caso convírtese nunha ventaxa para observar con fondo moi brillante. Ademáis, o tempo de exposición pódese controlar dende o programa de control.Máis información:
http://www.lunar-occultations.com/iota/planets/0619venus.htm
https://eco.mtk.nao.ac.jp/cgi-bin/koyomi/occulx_p_en.cgi -
UNHA ESTRELA MÁIS NO NOSO LOGO
Bruno chegou a nós no último congreso CMON, ahí estaba entre o público, coa mente chea de preguntas que buscaban resposta. Enseguida se integrou no clube e foi un de nós porque, desde o primeiro momento que falou, o sentimos como si estivera ahi desde sempre, participando nos nosos debates a través das redes, poñendo un pouco de sentido común nas discusións, moitas veces absurdas, e aportando bo humor coa súa chispa nestes tempos sombríos de cuarentena.
Mais Bruno foi unha estrela fugaz: chegou, brillou con forza e, esta mañá, deixounos para non voltar. Non o levou un meteorito, deses NEO que pasan preto, cos que lle gustaba bromear, senon un infarto. Bruno deixa nos nosos corazóns un oco enorme que hoxe non é oco, senón un burato negro.Desde estas liñas queremos mandar unha aperta moi forte a súa familia, o noso infinitamente sentido pésame e os poucos ánimos que nos poden quedar, que son para eles.
Bruno, “Sarxento”, non podemos acender unha estrela para ti no ceo, pero hoxe, na tua honra, no noso logo do Clube Vega esa nova estrela é túa. Ata sempre compañeiro.
-
“VEGANOS” PREMIADOS
Fai un par de semanas celebróuse en Castrelo de Miño a entrega de premios do concurso de fotografía de CEOS GALEGOS.Non é ningunha novidade que en Clube Vega temos fantásticos astrofotógrafos e, como non podía ser doutro xeito, varios deles resultaron premiados, algún incluso por triplicado!
Deixamos aqui a relación dos premios otorgados aos nosos socios e, por n-ésima vez, NORABOA AOS PREMIADOS!, tamén aos non “veganos”.
- Miguel: 3º premio na categoría Sistema Solar con “Lúa en Detalle”
- Kike: 3º premio do xurado con “Solitario”
- Alex:
- 1º premio do xurado na categoría Paisaxes celestes con “Lagoa de Louro”
- 3º premio do xurado na categoría Xente e ceo con “O faro das estrelas”
- Mellor imaxe didáctica do eclipse lunar
Tamén había outras fotos marabillosas destes e outros compañeiros de Vega que este ano non tiveron sorte, Esperemos que este 2020 nos regale ceos limpos e escuros para seguir gozando da nosa afección.
-
ÉXITO DO VII CMON
Xa relaxados logo dun fin de semana movidiño.
Rematou o CMON deste ano e hai que dicir que foi un exitazo. Charlas pola mañá, descansos para socializar e tomar un cafeciño, comida nun excelente ambiente, exposicións de astrofotografía, charlas pola tarde e para rematar coloquio sobre contaminación lumínica, tema que da para falar moito.
Gran asistencia de público, sobre todo pola mañá, e moitas caras coñecidas pero tamén moitas que se achegaban por primeira vez a un evento deste tipo. Para nós foi un pracer saludar aos primeiros, coñecer aos segundos e compartir con todos a nosa paixón pola astronomía.
Desde aqui queremos agradecer a todos os que colaboraron coas súas ponencias ou participación de outro tipo e, por suposto, moitas, moitas grazas a todos os asistentes que vos achegástedes ata Santiago e/ou ata o Monte da Condesa desafiando á chuvia e o vento.
Deixamos unhas fotos do evento e esperamos repetir éxito na próxima edición do Workshop CMON
-
VII Workshop CMON. PROGRAMA COMPLETO
Consulta a continuación ou DESCARGA o programa deste evento.
10:15: Benvida e presentación.
10:30: O proxecto NOSA. Cos pés no chan e os ollos nas estrelas.
Xosé Díaz Díaz (IES Marco do Camballón, Vila de Cruces)
O proxecto NOSA é unha iniciativa educativa posta en marcha desde varios centros públicos galegos. Busca promover vocacións, espertar a curiosidade do alumnado e favorecer o traballo en equipo a través dunha viaxe anual á estratosfera.11:00: Recreando paisajes de otros mundos
Francisco José Fernández Gómez
La presentación versará sobre las recreaciones de paisajes lunares de Nasmyth y de las misiones Apollo, y sobre cómo recrear paisajes lunares a partir de nuestras fotos.11:30: O decálogo do astrónomo afeccionado: unha experiencia divulgativa
Carmen Castro Martínez (Clube Vega)
Na penúltima Galicia Maker Faire, o Clube Vega presentou, entre outras actividades, unha exposición fotográfica de 10 obxetos moi valorados polos astrónomos. A novidade consiste nunha audioguía que asocia a cada un dos obxectos unha breve explicación que se pode escoitar co móbil
con só ler un código QR.12:00: descanso
12:30: Entre ferralla : como construír un observatorio astronómico de baixo presuposto
Miguel Sánchez Varela (Clube Vega)
Contrucción dun observatorio particular en Arzúa.13:00: O que nos depara o primeiro Congreso Estatal de Astronomía en Galicia
Denébola Álvarez-Seoane (Agrupación Astronómica Coruñesa Ío)
Presentación das novidades e elementos de interese do XXIV Congreso Estatal de Astronomía que celebrarase entre o 30 de abril e o 3 de maio de 2020 na Coruña.13:30: Fotometría de asteroides.
Hugo González
Curvas de luz de asteroides. Técnicas y procedimientos. Otra posibilidad alternativa al alcance de todos para participar en programas PROAM: GAIA-GOSA (GAIA Ground based Observation Service for Asrweoids), CALL (Collaborative Asteroid Lightcurve Link), ALCDEF (Asteroid Lightcurve Photometry Database), MPO Canopus (Minor Planet Observer)14:00: a comer.
16:00: Radiorreceptores definidos por software SDR-RTL
Javier Moldes
Instalación y configuración de un decodificador de TDT con chipset RTL como radiorrecetor definido por software de propósito general para radioastronomía.16:30: Ceos Galegos: divulgando astronomía
Dositeo Veiga (Ceos galegos)
Un proxecto que ao través da imaxe pretende facer divulgación científica e astronómica, así como doutras ciencias afíns. Por exemplo, meteoroloxía, física, óptica, xeoloxía… son temas que xorden de xeito natural ao través das imaxes que recibimos, publicamos e comentamos. Ademais, a convocatoria de concursos puntuais de imaxes, galerías na web de fotos de efemérides astronómicas e o concurso anual (gala de entrega de premios incluída), constitúen un xeito eficaz de aumentar o número de persoas da comunidade de Ceos Galegos. Ah, e o calendario.17:00: Ocultacións interesantes por TNO nos vindeiros meses.
Ramón Iglesias Marzoa (Centro de Estudios de Física del Cosmos de Aragón, Clube Vega)
En vindeiras datas produciránse algunhas ocultacións de estrelas por obxetos trans-neptunianos (TNO) que poderían ser observables dende a península ibérica. Faremos un resumen das súas posibilidades de observación con instrumentos amateurs.17:30: descanso
18:00: Os nomes das constelacións
Salva Bará (USC), Martin Pawley (Agrupación Ío), Dosi Veiga (Ceos galegos)
Non están, aínda en 2019, debidamente fixados os nomes das 88 constelacións en galego, e de feito nos dicionarios adoitan aparecer só algunhas. Neste traballo propoñemos unha listaxe posíbel de nomes e explicaremos as razóns das nosas escollas.18:30: Coloquio sobre Contaminación lumínica. (CL)
Modera: Gonzalo González (Secretario do Clube de Astronomía Vega).19:30 (aprox) Despedida.
-
VII edición do workshop CMON
Un ano máis, retomamos a organización do que será o VII Workshop CMON, a celebrar, como é costume, no mes de decembro. Non haberá variacións con respecto ás anteriores convocatorias, non sendo que temos aínda máis ganas de pasalo ben e falar de Astronomía e Ciencia en xeral.Data: Sábado, 14 de decembro de 2019.
Lugar: edificio da Residencia Universitaria Monte da Condesa. Campus Sur da Universidade de Santiago de Compostela. Santiago.Obxetivos: intercambiar experiencias, coñecementos e tecnoloxías para a observación de fenómenos astronómicos en xeral.
Quen pode asistir: calqueira persoa que estea interesada, con independencia de se pertence ou non a unha agrupación astronómica, e que teña ganas de aprender novas cousas ou ensinar a outros os seus descubrimentos.
Programación provisional. DESCARGA AQUI A PROGRAMACIÓN DEFINITIVA
—————————-
10:45 Presentación do VII Workshop CMON.
11:00 a 12:30: presentacións varias.
12:30 a 13:00: descanso.
13:00 a 14:00: presentacións varias.
14:00 a 16:00: comida.
16:00 a 17:30: presentacións varias.
17:30 a 18:00: descanso.
18:00 a 20:00: presentacións varias.Datas importantes:
——————–
6 de novembro: “call for papers”. Comezo do período para apuntarse (sí, é necesario apuntarse).
5 de decembro: data final do “call for papers”.
9 de decembro: publicación do programa definitivo.
10 de decembro: Data final para apuntarse.
14 de decembro: WORKSHOP CMON ¡vémonos en Santiago!É indispensable apuntarse para poder estimar o número de participantes do workshop. A sala ten un aforo limitado que non se pode superar de ningunha maneira.
“Call for papers”.
Dende este momento facemos unha invitación a que presentedes os vosos traballos. O formato será en presentación oral de 20 minutos máis 10 minutos para preguntas e debate. Dispoñeremos dun proxector de presentacións con pantalla para que proxectedes o voso traballo.A solicitude de presentación incluirá o título, o autor e un breve resumen (por favor, non máis dun par de liñas) e enviaráse por correo electrónico á dirección de contacto ata a data final do “call for papers”, cando se elaborará o programa definitivo coas presentacións recibidas. De producirse sobrepetición de presentacións a organización resérvase o dereito de seleccionar aquelas que considere máis interesantes pola súa novidade ou interése.
Comida.
Pódese comer no Restaurante Monte da Condesa, no mesmo edificio do Campus Sur. Dispoñen dun “menú autoservicio” que é o que usan habitualmente os estudantes da USC, de 2 pratos e postre (5,70 euros) ou un prato e postre (medio menú, 4,70 euros) e de diversos pratos á carta. Non é necesario reservar con antelación.O correo electrónico de contacto será:
rimarzoa (en) yahoo (punto) es
Tamén podes preguntar as túas dúbidas no formulario de contacto desta web.
Un saúdo e vémonos o día 14.
-
50 ANOS NA LÚA
O 21 de xullo de 1969, os Astronautas da Apolo XI convertíronse nos primeiros seres humanos en pisar outro astro que non fora a Terra. Aínda que hai quen trata de xustificar ou condenar este feito desde o punto de vista político e/ou económico, o que é innegable e que foi a culminación dun enorme esforzo científico e tecnolóxico no que colaboraron centos de homes e mulleres, moitas veces non suficientemente recoñecidos, que deron sentido a famosa frase de Neil Armstrong “un pequeno paso para un home, un grande salto para a humanidade”Este mes celébrase en todo o mundo o 50 aniversario da chegada do home á Lúa, cada quen pode ter un motivo. Desde o Clube Vega apuntámonos á festa cun acto conmemorativo. O día elexido: o 12 de Xullo, o lugar: a Nave de Vidán, que unha vez máis nos ofrece a súa colaboración.
Teremos unha pequena charla divulgativa, a cargo do noso amigo Dosi Veiga, despois presentaremos o traballo dos astrofotógrafos do Clube Vega nunha pequena (pero intensa) exposición de fotografías da Lúa, que quedará na Nave ata setembro, e, finalmente, se a meteoroloxía o permite, plantaremos uns cantos telescopios para observar e ensinarvos á protagonista da noite: a Lúa.¡¡Vémonos alí!!
-
Éxito na MAKER
Xa rematou a Galicia Maker Faire. Alí estaban coñecidos makers de todo o mundo, robots, impresoras 3D, artesanía e moitas máis cousas. Tamén houbo postos con moita e moi boa divulgación científica e por suposto alí estabamos o CLUBE VEGA.Estes dous días falamos con moita xente curiosa e con ansia de saber, poideron ver a nosa Lúa artificial cos telescopios, e disfrutar coa nosa selección de obxectos astronómicos.
¡E o millor é o ben que o pasamos!, eso si, acabamos esgotadiños….
Desde aqui o noso agradecemento a toda organización e en especial aos voluntarios, pendentes de nós todo o tempo. ¡Vémonos para o ano!
Deixamos unhas fotiños para lembrar o evento:
-
MAKER FAIRE 2018
¡Xa está aqui a MAKER FAIRE deste ano!
Como o ano pasado CLUBE VEGA asistirá a este evento, este ano con stand propio, dentro da categoría “divulgación da ciencia”.Para esta ocasión estamos traballando na exposición “O DECÁLOGO DO ASTRÓNOMO AFECIONADO”, unha mostra de fotografías, moitas delas dos nosos socios, con audioguía a través do mobil.
Tamén faremos obradoiros de iniciación ao USO DO TELESCOPIO e, se o tempo o permite, algunha OBSERVACIÓN nocturna.Xa sabedes, este finde temos plan. Vémonos alí!
